Lenin

Lenin (Vladimir Il'ič Ul'janov)
	; Lenin tal 1920
Nazionalitât	Russe (daspo' sovietiche)
Date di nassite	22 di Avrîl 1870
Lûc di nassite	Simbirsk, Imperi Rus
Date di muart	21 di Zenâr 1924
Lûc di muart	Gorki, Union Sovietiche
Ativitât	Rivoluzionari, politic, filosof, teoric politic ;
Oparis principâls	Rivoluzion di Otobre (1917), fondazion de Union Sovietiche (1922), teoric dal Leninisim e dal Marxisim-Leninisim
Pseudonim di Vladimir Il'ič Ul'janov. Prin Ministri de Republiche Socialiste Federative Sovietiche Russe e de Union Sovietiche.

Lenin, pseudonim di Vladimir Il'ič Ul'janov (Владимир Ильич Ульянов par rus; Simbirsk, 22 di Avrîl 1870 – Gorki, 21 di Zenâr 1924), al è stât un rivoluzionari, politic e filosof rus e sovietic.

Al è stât Prin Ministri de Republiche Russe dal 1917 al 1918, de Republiche Socialiste Federative Sovietiche Russe dal 1918 al 1922 e de Union Sovietiche dal 1922 al 1924. Sot la sô direzion, la Russie, e plui indenant la Union Sovietiche, e deventà un Stat socialist governedât dal Partît Comuniscj. Marxist dal pont di viste ideologjic, lis sôs teoriis politichis e la sô rielaborazion dal marxisim a forin daspo' ricognossudis te dotrine dal «Leninisim».

Biografie

Zoventût e formazion (1870–1893)

Nassût a Simbirsk in une famee borghese e di buine formazion culturâl, Vladimir al era il tierç fî di Il'ja Nikolaevič Ul'janov, un ispetôr des scuelis publichis, e di Maria Aleksandrovna Blank. In tal 1887, une tragjedie e à segnât la sô vite: sô fradi plui grant, Aleksandr Ul'janov, al è stât condanât a muart e picjât par vê partecipât a un atentât cuintri il zar Alessandri III.

Cheste vicende e à sburtât il zovin Vladimir a interesâsi te politiche radicâl e le oposizion al regjim zarist. Jentrât te Universitât di Kazan' par studiâ gjurisprudence, al è stât parât vie pôcs mêss daspo jessi jentrât par vê partecipât a une proteste. Intai agns di studi in autonomie , al à aprofondît lis oparis di Karl Marx e Friedrich Engels, par cunvirtîsi al marxisim. In tal 1891 al à otignût le lauree in leç cuntun diplome di prin nivel.

Ativitât rivoluzionarie e esili in Siberie (1893–1900)

Stabilît a Sant Pieriburc tal 1893, al è deventât in pôc timp une figure clâf te organizazion des clapis marxistis locâls. Intal 1895 al à contribuît a fondâ la "Union di Lote par le Liberazion de Classe Operarie".

In chel stès an al è stât arestât de polizie secrete zariste e, daspo' di un an di preson, al è stât condanât a trê agns di esili te Siberie orientâl, tal paîs di Šušenskoe. Intant dal esili al à sposât Nadežda Krupskaja, ancje je ativiste marxiste, e al à completât la sô prin grande opare teoriche, Il disvilup dal capitalisim in Russie (1899).

L'esili in Europe e la scission bolsceviche (1900–1914)

Scadût l'esili tal 1900, Ul'janov al à cjapât la decision di viazâ te Europe Occidentâl (Svuizare,Ingletiere , Gjermanie). Al è in chest periodi che al à scomençât a doprâ il pseudonim di Lenin (tirât fûr, secont diviersis interpretazions, dal flum siberian Lena).

Intal 1902 al à publicât il famôs librut Ce fâ? (Čto delat'), tal cual al à teorizât la covente di un partît di "rivoluzionarîs professioniscj", altamentri disciplinât e centralizât, bon di cundusî le classe operarie a la rivoluzion.

Intal II Congrès dal Partît Operari Socialdemocratic Rus (POSDR), tignût a Londre tal 1903, le sô posizion e à provocât une scission storiche:

Bolscevics ("maiorance"), cundot di Lenin, in favôr di un partît rigjit e rivoluzionari.
Menscevics ("minorance"), in favôr di une organizazion plui vierte e riformiste.

Le Prime Vuere Mondiâl e lis Tesis di Avrîl (1914–1917)

Cun lo scatenament de Prime vuere mondiâl tal 1914, Lenin al si è oponût cun fuarce al conflit, definît une "vuere imperialiste" di rapine e denunziant i partîts socialiscj europeis che a vevin votât i credizs di vuere. Intant dal esili in Svuizere, al à formulât la peraule d'ordin de "trasformazion de vuere imperialiste in vuere civîl" par sdrumâ il capitalisim.

In tal gevrâr dal 1917, la Rivoluzion di Fevrâr e à puartât a le abdicazion dal zar Nicolau II e ae creazion di un Guvier Provisori liberal-borghês, ma ancje a le nassite dai Soviet (cunseis di operaris e soldâts).

Rientrât in Russie ai 16 di Avrîl dal 1917 in un vagon blindât concedût des autoritâts todescjs, Lenin al à presentât lis celebris Tesis di Avrîl. In tal document, al refudave ogni sostèn al Guvier Provisori e al proponeve:

Il passaç imiediât ae seconde fase de rivoluzion (socialiste);
Dut il podê ai Soviet ("Dut il podê ai Soviet!");
La confiscazion dai latifonts e la nazionalizazion des tieris;
La jessude imediade de vuere.

La Rivoluzion di Otubar (1917)

In te istat dal 1917, la popolaritât dai bolscevics e è cressude par vie de lade in piês de crisi economiche e dal slungjamenz de vuere. Daspo' di une temporanee clandestinitât in Finlandie par scomposizion dal Guviar Provisori, Lenin al è tornât a Sant Pieriburc tal otubar dal 1917.

Conviçûz che i timps jerin boins , al à sburtât il Comitât Centrâl dal Partît Bolscevic a organizâ une insurezion armade. Sòt la direzion militâr di Lev Trockji, cjâf dal Comitât Rivoluzionari Militâr dal Soviet di Sant Pieriburc, te gnot jenfri i 24 e i 25 di Otubar dal 1917 (secont il calendari julian; ai 6-7 di Novembar par chel gregorian), lis vuardiis rossîs an cjapât il control des posizions clâf de citât e dal Palaç d'Invier.

Le Rivoluzion di Otubar e à parât vie il Guvier Provisori e stabilît il prin Stat socialiste de storie, cun Lenin a cjaf dal Consei dai Commissaris dal Popul (Sovnarkom).

La Vuere Civîl e il Comunisim di Vuere (1918–1921)

Une volte rivât al podê, il guvier bolscevic al à segnât le pâs di Brest-Litovsk (Març 1918) par jessî de Prime vuere mondiâl, dant teritorïs grancj al Imperi Todesc. Intant di poç mês, il paîs al è precipitât te dramatiche Vuere Civîl Russe(1918–1922), che e à viôt la cuintriposizion jenfri le Armade Rosse (organizade de bande Lev Trockji) e lis Armadis Blancjis (contrarivoluzionaris, sostegnudis des potencis ocidentâls).

Par garantî i riforniments al esèrcit e a lis citâts , Lenin al à introdusût il Comunisim di Vuere: une politiche economiche estreme basade su la recuisizion obleatorie des recueltis de agriculture, le statalizazion totâl des industrîs e le proibizion dal cumierç privât.

In chel stes periodi, par srodonâ la oposizion interne e la controrivoluzion, il guvier al à promovût il "Terôr Ros", gestît de polizie secrete (Čeka). In tal Avost dal 1918, Lenin al è stât ferît gravementri intun atentât cundot de anarchiche Fanja Kaplan.

La NEP e la fondazion de Union Sovietiche (1921–1922)

Finide la vuere civîl cun la vitorie bolsceviche, la Russie e jere scjafojade da distruzions, epidemîs e de grande carestie dal 1921. Daspo' de rivolte dai marinârs di Kronštadt tal març 1921, Lenin al à capît le covente di un slargjament politic ed economic.

Intal X Congrès dal Partît, al à promovût la NEP (Gnove Politiche Economiche), une riforme temporanee che introduseve elements di marcjât libar, permetint ai contadins di vendi lis lôr ecedencis e autorizant il piçul cumierç privât, salvaguardant ancje il control dal Stât su lis grandis industrîs, lis bancjis e il cumierç forest. Le NEP e à permetût une rapide riprese economiche dal paîs.

Ai 30 di Dicembar dal 1922, su iniziative di Lenin e dai sos colaboradôrs, al è stât ufizialmentri fondât il prin Stat socialiste federâl de storie: le Union des Republichis Socialistis Sovietichis (URSS).

Malatie, il Testament e la muart (1922–1924)

A scomençâ dal Fevrâr dal 1922, la salûte di Lenin e à cjapât a lâ piês in mût svet, ancje par vie dei postums dal atentât dal 1918. Intal Mai dal 1922 al è stât colpît dal prin atâc cerebrâl, seguitât di un secont tal dicembar dal stès an e di un tierç intal març dal 1923, che li à gjavât fûr la peraule e la capacitât di ativitât politiche dî par dî.

In tai sos ultins moments di luciditât (jenfri le fin dal 1922 e i prims mês dal 1923), Lenin al à detât un document une vore impuartant, cognossût come il sô "Testament Politic". In tal document, al proponeve riformis par le burocrazie dal Partît e al analizave i siei pussibîls sucessôrs, criticant serveramentri Iosif Stalin par la sô brutalitât e l'abûs di podê, racomandant di slontanalu de cjarie di Segretari Ufiziâl dal Partît.

Lenin al è muart tal paîs di Gorki ai 21 di Zenâr dal 1924, a 53 agns. Il so cuarp al è stât imbalsamât e esponût tal Mausoleu di Lenin te Place Rosse di Mosche, deventant une mete di pelegrinaç politic.

Ereditât e Leninisim

Lenin al è considerât une des figuris plui influentis e dibatudîs dal secul XX. Come teoric dal marxisim, il sô contribût al è stât chel di adatâ la dotrine di Karl Marx a le realitât de Russie e dal imperialisim moderni:

Il Partît di Avanguardie: La concezion di un partît centralizât e disciplinât bon di vuidâ la classe operarie.
Teorie dal Imperialisim: La interpretazion dal imperialisim come la "fase supreme dal capitalisim".
L'aliance jenfri operaris e contadins: Il rûl fondamentâl dai contadins te rivoluzion socialiste tai paîs pôc industrializâts.

Daspo' de sô muart, la sô elaborazion teoriche e è stade codificade sòt dal nom di Leninisim (e plui indenant Marxisim-Leninisim par opare di Stalin), deventant la ideologje uficiâl de Union Sovietiche e di ducj i partîts comuniscj ortodôs dal mont par dut il Nûfcent.

Bibliografie

Louis Fischer, La vita di Lenin, Mondadori, 1967.
Giuseppe Boffa, Storia dell'Unione Sovietica, Mondadori, 1976.
Hélène Carrère d'Encausse, Lenin, Rizzoli, 1998, ISBN 978-8817852654.
Robert Service, Lenin: A Biography, Harvard University Press, 2000, ISBN 978-0674008281.
Vittorio Strada, La rivoluzione svelata, Einaudi, 2007, ISBN 978-8806188436.

Leams esternis

Vôs coreladis