Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Donderdag, 9 Julie 2026 Hier is tans 129 767 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Ontploffing en gevolglike paddastoelwolk.

Ivy Mike was die kodenaam wat gegee is aan die eerste volskaalse toets van 'n termonukleêre wapen, waarin 'n beduidende gedeelte van die plofstofopbrengs van kernversmelting afkomstig is. Ivy Mike is op 1 November 1952 deur die Verenigde State op die eiland Elugelab in die Enewetak-atol, in die nou onafhanklike eilandstaat die Marshalleilande, ontplof as deel van Operasie Ivy. Dit was die eerste volledige toets van die Teller-Ulam-ontwerp, 'n versmeltingtoestel wat in fases werk.

Weens sy fisiese grootte en versmeltingbrandstoftipe (laetemperatuur- vloeibare deuterium), was die "Mike"-toestel nie geskik vir gebruik as 'n wapen soos 'n konvensionele bom nie. Dit was bedoel as 'n tegniese eksperiment en 'n konserwatiewe bewys van die konsep, om die konsepte wat gebruik word vir multimegaton-ontploffings te bekragtig.

Monsters van die ontploffing het spore van die isotope plutonium-246, plutonium-244 en die voorspelde elemente einsteinium en fermium bevat.

...lees verder

In die nuus

Die FIFA Sokker-Wêreldbekertoernooi in 2026 duur voort met uitklopwedstryde in verskeie stede van Kanada, Meksiko en die Verenigde State, die drie gasheerlande.
In die eindstryd van die T20I-vrouewêreldbeker 2026 op Lord’s in Londen verslaan Australië vir die gasvroue Engeland met sewe paaltjies en palm sodoende sy sewende T20I-vrouewêreldbekertitel in. Suid-Afrika en Wes-Indië was die ander twee semi-finaliste.
Ierland neem die voorsitterskap van die Europese Unie by Siprus oor.
Keir Starmer, kondig sy bedanking as eerste minister van die Verenigde Koninkryk aan.
Pous Leo XIV publiseer sy eerste ensikliek Magnifica Humanitas, waarin hy die verhouding tussen mense en kunsmatige intelligensie bespreek.

Het u geweet...

... dat broom en kwik die enigste twee elemente is wat in suiwer vorm as 'n vloeistof by kamertemperatuur voorkom?

... dat 'n springhaas nie werklik 'n haas is nie, maar 'n knaagdier?

... dat Elisha Gray sy patent vir die telefoon 'n uur vóór Alexander Graham Bell geregistreer het? Na jare van regsgedinge het Bell die patent gekry.

... dat die oorspronklike benaming vir die eerste maand van die jaar (Januarie), die Latynse benaming is vir die Romeinse god Janus? Die vroeër benaming vir hierdie maand was "louwmaand" en dit stam uit die middel-Hollandse taal. In Holland word hierdie maandnaam nog gebruik, maar die Latynse benaming is meer algemeen.

... dat Swede in 1712 30 Februarie op 29 Februarie laat volg het deur die Sweedse kalender af te skaf?

Vandag in die geskiedenis

9 Julie: Onafhanklikheidsdag in Argentinië (1816) en Suid-Soedan (2011).

1810 – Die Koninkryk van Holland word deur Frankryk geannekseer.
1942 – Holocaust: Anne Frank se gesin begin skuil in 'n solder bo haar vader se kantoor in 'n Amsterdamse pakhuis.
1979 – Die Amerikaanse ruimtetuig Voyager 2 vlieg by Jupiter verby en stuur talle foto's van Jupiter en sy mane terug.
2002 – Die Afrika-unie word in Addis Abeba, Ethiopië, tot stand gebring.
2011 – Suid-Soedan verklaar as gevolg van 'n positiewe referendum sy onafhanklikheid van Soedan.